Кузенбаева А.Б.

Ғылыми жетекші: Байганова А.М.

Қ.Жұбанов атындағы Ақтөбе өңірлік мемлекеттік университеті

Онлайн сұрақты жасақтауда KwikSurvey бағдарламасының мүмкіндіктерін қолдану

Электрондық білім беру ресурстары – қолданушының сәйкес ережелерді сақтай отырып, бiлiм беру мақсатында қолдану үшiн жергiлiктi компьютерге жүктей алатын барлық ақпараттар (мәтiндер, графика, мультимедиа) жиынтығы[1]. Электронды оқыту жүйесіндегі электрондық білім ресурсын жасақтау әдістемесін жасамас бұрын алдымен зерттеу жұмыстарын жүргіздім. Осы тақырыпқа сәйкес онлайн сұрақ дайындау үшін KwikSurvey бағдарламасының мүмкіндіктерін қолдандым.

KwikSurvey тегін интернет арқылы онлайн сұрақ жүргізуге арналған бағдарлама. Бұл бағдарлама 2010 жылы еңгізілген. Бағдарлама тек ағылшын тілінде ғана дайындалынған. KwikSurvey бағдарламасының мүмкіндіктері:

ü Сұрақтарды кез-келген тілде дайындауға болады;

ü Басты беттің шаблонын қалағанша таңдауға болады;

ü Сұрақтардың түрлерін таңдауға болады;

ü Нәтижесін қалаған форматта шығаруға болады.

KwikSurvey бағдарламасымен онлайн сұрақ дайындау үшін келесі қадамдарды орындау керек. Ең алдымен www.kwiksurveys.com сайтына кіресіз[2]. Сайтқа кіргеннен кейін тіркелуіңіз қажет. Free instant signup деген бөлімнің Full Name ұяшығына атыңызды, Email Address ұяшығына почтаңыздың логинін, Password ұяшығына пароліңізді еңгізіп, Position ұяшығының төгілмелі жолынан өзіңіздің статусты таңдаңыз. Осыдан кейін Create account & Get Started түймесін басыңыз(1-сурет).

1-сурет. KwikSurvey бағдарламасына тіркелу

Тіркелгеннен кейін Create a new survey деген түймені таңдай отырып, New Title деген бос орынға өзіңіздің сұрағыныздың тақырыбын жазасыз. Мысалы электрондық ресурстар тақырыбына сұрақ дайындағыңыз келсе New Title деген бос орынға электрондық ресурстар деп жазасыз. Содан кейін Create Survey батырмасын басасыз(2-сурет).

2-сурет. KwikSurvey бағдарламасында жаңа сұрақ құру

Келесі бетке өткеннен кейін Full Page Designs төгілмелі жолынан сұрақтардың тақырыбына байланысты басты бетінің дайын шаблонын таңдайсыз. Қалаған шаблоныңызды тандағаннан кейін Save & Continue пернесін басу арқылы келесі бетке өтесіз. Бұл бет сұрақтарды дайындау беті болып табылады. Enter your page description жолын басу арқылы сурет қоюға болады. Ол үшін Image Properties бетінен Image Info менюін таңдау арқылы кез-келген суретті қоя аласыз(3-сурет).

3-сурет. KwikSurvey бағдарламасында сурет қою

Add question пернесін басу арқылы немесе сол жағында орналасқан Questions төгілмелі жолы арқылы сұрақтың түрлерін анықтауға болады. Сұрақтардың түрлері:

Ø Бір жауапты;

Ø Екі немесе одан да көп жауапты;

Ø Төгілмелі жолдан жауапты таңдау арқылы;

Ø Рейтинг жұлдыздары арқылы;

Ø Реті арқылы орналастыру;

Ø Матрица арқылы.

Мысалы бір жауапты сурақты жазу үшін Multi-Choice(Choose ONE) пернесін басамыз. Осы кезде экранға сұрақты еңгізетін терезе шығады. Бұл терезенің Enter your question деген жеріне сұрағымызды жазамыз. Ал Answer Text деген бөлімге жауаптарды жазамыз. Осыдан кейін Save түймесі арқылы сақтаймыз(4-сурет).

4-сурет. KwikSurvey бағдарламасында сұрақтарды еңгізу

Келесі Launch бөліміне өткенде сұрақтардың сілтемесі беріледі. Осы сілтемені көшіру арқылы зерттеуге қатысушылардың электрондық почталарына жіберіп нәтижесін шығаруға болады(5-сурет).

5-сурет. KwikSurvey бағдарламасында дайындалған сұрақтар сілтемесі

Ол үшін Меню қатарынан Analize бөлімін тандайсыз. Осы беттегі Customise this report түймесін басып, Create custom report бөліміне нәтиже шығаратын терезеге ат бересіз және Get started пернесін басасыз. Осы кезде автоматты түрде нәтиже шығады(6-сурет).

6-сурет. KwikSurvey бағдарламасында нәтижені шығару терезесі

Нәтижені Export Report менюі арқылы pdf және png форматына аударуға және принтер арқылы қағазға шығаруға болады.

Әдебиеттер

1. Бидайбеков Е.Ы., Григорьев С.Г., Гриншкун В.В Создание и использование образовательных электронных изданий и ресурсов, Алматы, «Білім», 2006.

2. www.kwiksurveys.com