БАЛАБАҚШАДА ИННОВАЦИЯЛЫҚ ТЕХНОЛОГИЯЛАРДЫ ҚОЛДАНУДЫҢ МАҢЫЗДЫЛЫҒЫ

Кадирова Перизат Мұсағалиқызы

Алматы облысы, Талдықорған қаласы

№8 «Күншуақ» бөбекжай-балабақшасы меңгерушісі

Қазіргі кезде біздің қоғамда болып жатқан ауқымды өзгерістер білім саласында да біраз өзгерістердің туындауына себепші болып отыр. Білім жүйесіндегі инновациялық өзгерістерге Елбасымыз Н.Ә.Назарбаев кезекті жолдауында «ХХІ ғасыр бәсеке ғасыры, бәсекеге қабілетті ұрпақ тәрбиелеу, әрбір білікті, білімді педагогтардың міндетті» деп айқындап айтып берді. Мектеп жасына дейінгі балаларды дамыту мәселесі мемлекеттік саясаттың ажырамас бөлігі екені баршамызға мәлім. Сондықтан мектепке дейінгі балаларды оқыту мен тәрбиелеудің негізгі мақсаты баланың жеке тұлғасының қалыптасуы мен дамуы болып отыр. Қоғамның қазіргі даму кезеңінде мектепке дейінгі мекемелердегі білім беру жүйесінде оқыту, тәрбие беру үрдісін технологияландыру – басты мәселенің бірі. Осыған орай мектепке дейінгі мекемелердің іс-тәжірибесіне оқыту мен тәрбиелеудегі тиімді бірнеше технологиялары жасалып енгізілуде.
Білім беру жүйесінде жаңа технологияны қолдану арқылы келешек ұрпақтың еркін дамуына, жан-жақты білім алуына, белсенді, шығармашыл болуына жағдай жасау әрбір педагогтың міндеті. Бүгінде балабақшаларда қолданып жүрген: Ойын технологиясы, М.Монтессории технологиясы, тірек сигналдар арқылы, проблемалық, модульдік, дамыта, өздігінен оқыту, сын тұрғысынан ойлауды дамыту, ұлттық құндылықтарымызды балабақшадан бастау сияқты педагогикалық технологиялардың барлығы өз нәтижелерімен айқындалып келеді. Яғни қандай технологияны қолданбасын педагог баланың мүмкіндіктерін пайдалана отырып, шығармашылық қабілетін арттыратыны айқын. Кез келген оқыту технологиясы тәрбиешіден терең теориялық, психологиялық, педагогикалық әдістемелік білімді, педагогикалық шеберлікті балалардың жан-дүниесін терең үңіліп, оны ұғына білуді талап етеді.

Қазіргі білім беру үрдісі өзгерді, саналы білім беруде жаңа көзқарастар пайда болды және біздің алдымызға жаңа міндеттер жүктеп отыр. Осы міндеттердің бірі білім берудің әдіс- тәсілдерін түрлендіріп, жетілдіріп отыру және жаңа инновациялық білім технологиясын меңгеру.
Ал технологиялық білім дегеніміз - білім, біліктілік, интелектуалдық кәсіптік әдіс - тәсілдерді қолдану. Жаңа технология бойынша білімді үнемі бүгінгі жас ұрпақ тәрбиеленушілерге меңгертіп отырсақ, балалардың жаңаша көзқарас үрдісі дамиды.
Білім берудің алғашқы деңгейі балабақшадан басталады. Қазіргі таңда №8 «Күншуақ» бөбекжай-балабақшасында М.Монтессори технологиясына көптеп көңіл бөлініп, арнайы бөлме дайындалып «М.Монтессори педагогикалық орталығы құрылуда». Орталықтың негізгі мақсаты: Балабақша педаготарының кәсіби шеберлігін арттыру, баланы өз бетінше жұмыс істеу арқылы нәтижеге жетуге бағыттау, жеке тұлғасын қалыптасыру және қоршаған ортамен еркін қарым-қатынас жасауға тәрбиелеу.

Бұл орталықта тәрбиешілердің Монтессории педагогикасы саласындағы кәсіби педагогикалық құзреттілігін дамытуға, сондай-ақ дайындалған ортаны құруды Монтессори педагогикасы қағидаттарына сүйеніп жасалған дидактикалық материалдармен жасақталуы тиіс. Бұл технологияның басты ұстанымы «баланы еркін тәрбиелеу» болғандықтан Монтессори технологиясын қолдану арқылы балалардың қол маторикасын дамытып, өз беттерінше жұмыстар атқарып, қиыншылықтарды жеңе білуге, еркін ойлауға тәрбиелейміз. Балабақшада тәрбиешілер күнделікті оқу іс-әрекеттерін М.Монтессории технологиясының элементтерін пайдалана отырып, ұйымдастырамыз, бұл технологияның тиімділігі балалардың қай салаға жақын екендігі айқындалып, ата-анамен байланыс нығаяды. «Монтессори педагогикалық орталығында» балалармен жұмыс жасайтын тәрбиеші-педагогтарға арнайы семинар, шеберлік сыныптар, кеңестер беріліп алдын ала жоспарланып отыр. Сонымен қатар түрлендірілген  «Ойын технологиясын» көптеп қолданамыз, мақсаты бала белгілі – бір тапсырманы орындай отырып, өзіне деген сенімділік пайда болады. Баланың жан-жақты дамуында дамытушы ортаның  маңызы зор. Кез-келген оқыту технологиясы тәрбиешіден терең теориялық, психологиялық, педагогикалық шеберлікті, бала дүниетанымын терең танып, ұғына білуді мақсат етеді. Жаңа технологияның әдіс-тәсілдерін тиімді пайдалану және оны ұйымдастыруға ақпарат құралдары да, талапқа сай болу қажет.
Қазіргі таңда білімді ұрпақ келешек кепілі демекші, міне, жаңа технологияның тиімділігі баланың жан-жақты құзіреттілігін дамытып, жан-жақты біліммен қаруланған ұрпақ тәрбиелейді. Әрбір технологияның өзіндік ерекшелігі бар. Бала толыққанды жетіліп, ата-анамен байланыс күшейеді. Жаңа технологиялар бала бойына білімге әуестік, білім құмарлыққа баулуы тиіс. Білім беру үрдсіндегі алға қойылған басты мақсат баланың білім беру мазмұнын толықтырып, жаңаша көзқараста, жаңа технология бағытында жұмыс жүргізіп, баланың өмірін жаңаша ортада, жаңа бағытпен ұйымдастыру. Бала құзіреттілігінің белсенді дамуы балабақшадан бастау алады. Бұл бастаманың негізгі міндеті балаларды заман талабына сай, әлемді шынайы қабылдауға дайындау. Болашақта балалар өз жолында кездескен қиыншылықтарды жеңуге, шешім қабылдауы тиіс. Ендеше баланың ойлау қабілетін жан-жақты дамыту мен шығармашылық ізденіс дағдыларын үйренейік, үйретейік. Өйткені оқыту технологиясы педагогикалық үрдістің сапасын жетілдіруді талап етеді. Адам өмірінің тамаша жақтары жүзеге асатын, адамдардың ең басты шаттығы болып саналатын   баланың өсіп, өмір сүретін орыны.

Алғашқыда немесе өткен ғасыр педагогтары «педагогикалық технология», «оқу-оқыту технологиясы» және «тәрбиелеу технологиясы» ұғымдарының өзіндік мән- мағыналарына назар аудармай келді. Ал бүгінде педагогикалық технология оқу және тәрбие аймағындағы педагогикалық міндеттердің шешілуіне байланысты орындалатын педагог іс-әрекеттерінің бірізді жүйесі ретінде танылуда. Осыдан «педагогикалық технология» мәні, «оқу технологиясы», «тәрбие технологиясы» ұғымдары мәндерімен салыстырғанда тереңдеу де ауқымдылау.

Қазіргі заман жаңашылдық, жаңа көзқарас, жаңалықтар заманы. Өмір сүру барысында біз жаңа өнімдерді, заттарды, білімдерді, идеяларды кездестіреміз. Олай болса, оқыту үдерісі, әдістері де осы жаңашылдыққа сәйкес болуы керек.

Білім беру саласындағы балабақшаларда инновациялық қызмет көрсетуде өз өрісін табуда. Сондықтан балабақшада білім беру сапасын жетілдіруде тұлғаны қалыптастыруға бағытталуы тиіс. Өйткені мемлекеттік білім стандарты деңгейінде оқу үрдісін тәрбиелеу процесін ұйымдастыру жаңа инновациялық-педагогикалық технологияны ендіруді міндеттейді.

Пайдаланылған әдебиеттер:

1. Беспалько В.П. Слогаемые педагогические технологий. М., Педагогика, 1989.

2. Исаева З.А., Мынбаева А.К., Садвакасова З.М. Активные методы обучения. – Алматы, 2005.

3. Бұзаубақова К.Ж. Жаңа педагогикалық технология. Тараз, ТарМУ, 2003.

4. Таубаева Ш.Т., Лактионова С.Н. Педагогическая инноватика как теория и практика нововедений в системе образования: научный фонд и перспективы развития. – Алматы: Ғылым, 2001.

Резюме

В статье рассматриваются вопросы внедрения инновационных педагогических технологий в детском саду.

Resume

Following article are considered the pedagogical innovational technologies using in kindergarten.