Современные информационные технологии/ 3.Программное обеспечение

Аға оқытушы Күзенбаева А.А

А. Байтұрсынов атындағы Қостанай мемлекеттік университеті, Қазақстан

“MICROSOFT ACCESS ” ЭЛЕКТРОНДЫҚ ОҚУЛЫҒЫН ЖОБАЛАУ

Қазіргі кезде оқушылардың өз бетімен жұмыс істеуіне көп назар аударылады. Компьютерлік техниканың өмірде кең таралуы себебінен, жақсы электрондық оқулықтар жасау қиыншылығы туды. Бұндай оқулықтар мультимедиялық мүмкіндіктерді кең түрде анықтамалық мәлімет, оқушының білімін тексеру үшін пайдаланады.

Соған байланысты, қазіргі уақытта электрондық оқулықтар және оқыту комплекстері HTML-технологиялар негізінде құру ауданы кең көлемді дамуда.

Оқу құралымен оқушылардың өзіндік жұмысы кезінде жаңа материалды берумен қатар, оқу процесін бақылауды жүзеге асыратын, материалды оқушының жеке ерекшелігін ескере отырып, нақты көлемде бере алатын бағдарлама құру қажет.

Бағдарлама визуалды бағдарламалау ортасы Delphi – де орындалған. HTML – форматында жазылған құжаттарды пайдаланумен қатар, есептерді шешу әдістерін бейнелеу есебінде жеке әдістемелік формалар қолданылады.

Қарастырылатын электрондық оқу қралының басты мақсаты «Microsoft Access» бойынша оқыту, білімді жүйелеу, қайталау және түзету үшін арнайы электрондық оқулықты жасау

Электрондық оқулықтың мазмұны Microsoft Access жүйесін түсіндіретін бастапқы курстан тұрады. Теориялық материал, сарамандық жұмыстар, тест сұрақтары және қолданушыға нұсқаулық ретінде құрастырылған аранайы көмекшілер оқу процессінде қолданылады және оқулықтың негізі ретінде қарастырылған.

Мысал ретінде қарастырылатын бағдарламаның құрылымы мынадай негізгі бөлімдерді қамтиды: материалдың теориялық бөлімін оқыту, материалды визуалдық түрде оқыту үшін видео фрагменттер енгізілген, алған білімді тәжірибе жүзінде қолдану мақсатында лабороториялық жұмыстарды орындау көзделген, білім сапасының деңгейін бақылау үшін қорытынды тестілеу қарастырылған.

Оқулықтың өзі HTML және Java программалау Web – құжаттарын жасаудағы ең мықты құралы болып табылады.

Электрондық оқулықтың логикалық схемасы келесідей:

Сурет 1 - Электрондық оқулықтың логикалық схемасы

Мысал ретінде қарастырылып жатқан бағдарламаның мәзірі келесідей болуы мүмкін (сурет 2).

Сурет 2 - Бағдарламаның мәзірі

Оқушыға теориялық және практикалық сабақтарды оқығаннан кейін тестерге көшуге болады. Ең біріншіден сіз өзіңіз туралы жалпы мәлісеттерді өрістерге енгізгеннен кейін ғана тестің сұрақтарына жауап бере аласыз. Тестке жауап бергеннен кейін өзіңіздің алған бағаңызды көре аласыз (сурет 3).

Сурет 3 - Тестерге жауап беру

Берілген электрондық оқулықты мектептерде не оқушылардың өз бетімен оқуында қолдануға болады.

Әдебиеттер:

1. Михаель Эбнер, «Delphi для профессионалов», С-П 2000ж.

2. http://lib.perm.ru – программалаудан көптекен электронды кітаптар жинағы.

3. Гончаров А. «Самоучитель HTML» Санкт- Петербург.2002г. Москва-Харьков-Минск.