Экономические науки/13. Региональная экономика.

Аға оқытушы Тажиева И.Т.

Ш.Есенов атындағы Каспий мемлекеттік технологиялар және инжиниринг университеті

Маңғыстау облысының жұмыссыздық деңгейі

«Жұмыспен қамту 2020 жол картасы» бағдарламасының іске асырылуын есепке ала отырып 2014 жылдың 1 жарты жылдығында облыс бойынша 13168 жұмыс орны құрылды (2013 жылдың тиісті кезеңінде – 13092 жұмыс орны). Оның ішінде, қалалар мен аудандардың әкімдіктері халықтың нысаналы топтары үшін 501 әлеуметтік жұмыс орнын құрып, жоғары оқу орындарының 434 түлегін жастар практикасына тартты.

Есепті кезеңде жұмыспен қамту органдарының еңбек делдалдығына 7303 адам өтініш білдірді. 1953 адам жұмысқа орналастырылып, 1572 адам қоғамдық жұмыстарға жолданды, «Жұмыспен қамту 2020 жол картасы» бағдарламасының құрамына 1311 адам енгізілді, кәсіптік даярлауға 157 адам жолданды.

Жалпы жұмыссыздық деңгейі 2014 жылдың 1 тоқсанында (ашық еңбек рыногында) 5,4%-ды құрады (2013 жылдың 1 тоқсанында – 5,6%).

Халықтың әлеуметтік-әлсіз жігін әлеуметтік қолдау мақсатында   2754 аз қамтылған тұрғынға 49 млн. теңге сомасында атаулы әлеуметтік көмек, 18 жасқа толмаған 2778 балаға 22 млн. теңге сомасында  балалар жәрдемақысы төленді. Әлеуметтік-әлсіз жік санатындағы 679 азаматқа 11,1 млн. теңге сомасында тұрғын үй көмегі төленді.

Халықтың жан басына шаққандағы атаулы орташа ақшалай табысы 2014 жылдың мамырында 102227 теңгені құрады. 2012 жылдың тиісті кезеңімен салыстырғанда атаулы табыс 20,3%-ға, нақты ақшалай табыс – 13,2%-ға ұлғайды.

Облыстағы ең төменгі күнкөріс мөлшерінің шамасы 2014 жылғы маусымда 22061 теңгені құрады. Бір қызметкердің орташа айлық атаулы жалақысы 2014 жылдың қаңтар-мамырында 202575 теңгені құрады, бұл 2013 жылдың осындай кезеңінен 17,3%-ға көп.

Мемлекеттік бюджетке 2014 жылдың 1 жарты жылдығында 176,3 млрд. теңге (өткен жылдың тиісті кезеңіне – 144,2%), оның ішінде республикалық бюджетке –  127 млрд. теңге (155,3%), жергілікті бюджетке – 49,3 млрд. теңге (121,7%) сомасында салықтар мен өзге де міндетті төлемдер түсті (Ұлттық қорды есепке алғанда).

Облыстың 2014 жылға арналған нақтыланған бюджеті 141,6 мдн. теңгені құрайды. Бюджеттің кірістер бойынша атқарылуы жоспарға – 97,6%, оның ішінде республикалық бюджеттен берілетін нысаналы трансферттер мен кредиттер бойынша – 93,8% құрады. Обылыс бойынша жұмыссыздық деңгейі 4 орында тұрғанын келесі кестеден көруге болады.

Обылыс бойынша жұмыссыздық деңгейі 2010-2013 жж.

Обылыс	2010 ж.	2011 ж.	2012 ж.	2013 ж.
АҚМОЛА ОБЛЫСЫ	5.8	5.5	5.3	5.2
АҚТӨБЕ ОБЛЫСЫ	5.3	4.9	5.0	4.9
АЛМАТЫ ОБЛЫСЫ	5.6	5.1	5.0	4.9
АТЫРАУ ОБЛЫСЫ	5.4	5.0	5.0	5.0
БАТЫС ҚАЗАҚСТАН ОБЛЫСЫ	5.6	5.3	5.1	5.1
ЖАМБЫЛ ОБЛЫСЫ	5.7	5.5	5.4	5.2
ҚАРАҒАНДЫ ОБЛЫСЫ	5.5	5.3	5.1	5.0
ҚОСТАНАЙ ОБЛЫСЫ	5.7	5.4	5.2	5.2
ҚЫЗЫЛОРДА ОБЛЫСЫ	5.9	5.5	5.3	5.2
МАҢҒЫСТАУ ОБЛЫСЫ	6.4	5.8	5.7	5.5
ОҢТҮСТІК ҚАЗАҚСТАН ОБЛЫСЫ	5.9	5.7	5.6	5.5
ПАВЛОДАР ОБЛЫСЫ	5.6	5.2	4.9	5.0
СОЛТҮСТІК ҚАЗАҚСТАН ОБЛЫСЫ	5.8	5.4	5.2	5.1
ШЫҒЫС ҚАЗАҚСТАН ОБЛЫСЫ	5.7	5.2	5.1	5.1
АСТАНА Қ.	6.2	5.8	5.7	5.5
АЛМАТЫ Қ.	6.3	5.6	5.6	5.6

Әдебиеттер тізімі:

1. Ақша, несие, банктер: Оқулық / Сейтқасымов Ғ.С. – Алматы. – 2001

2. К.С.Есенғалиева, М.Ә.Тілеужанова, Н.Б.Тастандиева. Микроэкономика және макроэкономика. Алматы, 2002.

3.www.minfin.kz , www.calyk.kz

4.www.stat.kz, www.government.kz

5. www.stat.kz www.national.kz